'കെ.വി. തോമസ് കോണ്‍ഗ്രസിന്‍റെ മനസിൽ ഇല്ല'; പുറത്താക്കുന്നത് പരിഗണനയിലെന്ന് കെ. സുധാകരൻ

കണ്ണൂരിൽ മാധ്യമപ്രവർത്തകരോടായിരുന്നു സുധാകരന്‍റെ പ്രതികരണം

കണ്ണൂർ: തൃക്കാക്കരയിൽ ഇടതുപക്ഷത്തിനു വേണ്ടി പ്രചാരണത്തിനിറങ്ങുമെന്ന് പറഞ്ഞ കെ.വി. തോമസ് പാർട്ടിയിലും കോൺഗ്രസ് മനസിലുമില്ലെന്ന് കെ.പി.സി.സി അധ്യക്ഷൻ കെ. സുധാകരൻ. പുറത്താക്കൽ നടപടിയടക്കം പരിഗണനയിലാണെന്നും സുധാകരൻ പറഞ്ഞു. കണ്ണൂരിൽ മാധ്യമപ്രവർത്തകരോടായിരുന്നു സുധാകരന്‍റെ പ്രതികരണം.

ആർക്കൊപ്പം പ്രചാരണത്തിനിറങ്ങണമെന്നത് അദ്ദേഹത്തിന്‍റെ ഇഷ്‌ടമാണ്. ഇടതിനായി പ്രചാരണത്തിനിറങ്ങിയാൽ അത് എ.ഐ.സി.സിയുടെ ശ്രദ്ധയിൽപ്പെടുത്തും. തൃക്കാക്കരയിൽ യു.ഡി.എഫ് ഒറ്റക്കെട്ടാണെന്നും കെ. സുധാകരൻ പറഞ്ഞു.