കണ്ണൂർ: രാജ്യ തലസ്ഥാനത്തെ കർഷക സമരത്തിൽ അണിചേരാൻ കർഷക സംഘം പ്രവർത്തകർ ഡല്‍ഹിയിലേക്ക് മാർച്ച് ആരംഭിച്ചു. ഏഴു ബസുകളിലായാണ് സംഘം പുറപ്പെട്ടത്. കണ്ണൂർ ഹെഡ്‌ പോസ്‌റ്റ്‌ ഓഫീസിനു മുന്നിലെ സമരപ്പന്തലിൽ അഖിലേന്ത്യാ കിസാൻ സഭ വൈസ് പ്രസിഡൻ്റും സിപിഎം പൊളിറ്റ് ബ്യൂറോ അംഗവുമായ എസ് രാമചന്ദ്രൻ പിള്ള യാത്ര ഫ്ലാഗ്‌ ഓഫ്‌ ചെയ്‌തു. കർഷക ബിൽ നടപ്പിലായാൽ രാജ്യത്ത് കർഷകരുടെ നാശത്തിന് അത് വഴിയൊരുക്കുമെന്ന് രാമചന്ദ്രൻ പിള്ള പറഞ്ഞു. കോർപറേറ്റുകൾക്ക് അനൂകൂലമാണ് ബിൽ, രാജ്യത്ത് ഭക്ഷ്യ ക്ഷാമം ഉണ്ടാക്കാൻ അത് കാരണമാകും. കർഷക സമരം മാത്രമല്ല കേന്ദ്രസർക്കാരിന്‍റെ ഹുങ്കിനെതിരെയുള്ള സമരമാണ് ഇപ്പോൾ നടക്കുന്നതെന്നും എസ് രാമചന്ദ്രൻ പിള്ള പറഞ്ഞു.
കണ്ണൂരില്‍ നിന്നും കര്‍ഷക സംഘം പ്രവര്‍ത്തകര്‍ ഡല്‍ഹിയിലേക്ക്