കണ്ണൂര്‍ : തോട്ടടയില്‍ ബോംബാക്രമണത്തില്‍ ഏച്ചൂര്‍ സ്വദേശി ജിഷ്‌ണു (26) കൊല്ലപ്പെട്ട സംഭവത്തില്‍ രണ്ട് പേര്‍ പിടിയില്‍. കൊല്ലപ്പെട്ടയാളുടെ സുഹൃത്തുക്കളായ അക്ഷയ്, റിജില്‍ എന്നിവരാണ് അറസ്റ്റിലായത്. ഞായറാഴ്‌ച ഉച്ചയ്‌ക്ക് രണ്ട് മണിയോടെയായിരുന്നു സംഭവം.
എതിര്‍ സംഘത്തിനെ വിരട്ടാന്‍ വേണ്ടിയായിരുന്നു ബോംബ് എറിഞ്ഞതെന്നും ലക്ഷ്യം തെറ്റിയാണ് സ്വന്തം സംഘാംഗത്തിന്‍റെ തലയില്‍ പതിച്ചതെന്നുമാണ് ലഭിക്കുന്ന വിവരം. ആദ്യമെറിഞ്ഞ ബോംബ് പൊട്ടിയിരുന്നില്ല. തുടര്‍ന്ന് രണ്ടാമതെറിഞ്ഞ ബോംബ് തലയില്‍ വീണാണ് യുവാവ് മരിച്ചത്. മൂന്ന് പേര്‍ക്ക് പരിക്കേറ്റു.