മുല്ലപ്പെരിയാർ മരംമുറി; മന്ത്രിമാര്‍ രാജിവെക്കേണ്ട സമയം കഴിഞ്ഞെന്ന് കെ സുധാകരൻ

മുല്ലപ്പെരിയാര്‍ വിഷയത്തില്‍ ഒരു സര്‍ക്കാരും ചെയ്യാത്ത പ്രവര്‍ത്തനങ്ങളാണ്‌ മുഖ്യമന്ത്രിയും മന്ത്രിമാരും നടത്തിയത്‌. വിഷയത്തില്‍ ഉള്‍പെട്ട മന്ത്രിമാര്‍ രാജിവെക്കേണ്ട സമയം കഴിഞ്ഞെന്ന് കെ സുധാകരൻ.

കണ്ണൂർ:മുല്ലപ്പെരിയാർ മരം മുറി വിഷയത്തിൽ മന്ത്രിമാർ രാജിവെക്കേണ്ട സമയം കഴിഞ്ഞെന്ന് കെപിസിസി പ്രസിഡന്‍റ്‌ കെ സുധാകരൻ. ഒരു മുഖ്യമന്ത്രിയും സർക്കാരും ചെയ്യാത്ത നെറികെട്ട പ്രവർത്തനങ്ങളാണ് ഇപ്പോൾ ചെയ്‌തുകൊണ്ടിരിക്കുന്നത്. ജനങ്ങളുടെ ജീവനും സ്വത്തിനും ഭീഷണിയാകുന്ന തീരുമാനങ്ങളെടുക്കുന്ന മുഖ്യമന്ത്രി ജനങ്ങളോട് മാപ്പു പറയണം.

എ വിജയരാഘവന്‍റെ ആഭാസകരമായ പ്രതികരണങ്ങൾക്ക് മറുപടിയില്ല. വിജയരാഘവന് വാർധക്യകാല പെൻഷൻ കൊടുത്ത് ഇരുത്തേണ്ട സമയം കഴിഞ്ഞെന്നും സുധാകരൻ കണ്ണൂരിൽ പറഞ്ഞു.