ഇടുക്കി : തങ്കമണി അമ്പലമേട് മേഖലയിലെ പാറയിടുക്കിൽ പ്രവർത്തിച്ചിരുന്ന വാറ്റ് കേന്ദ്രം എക്സൈസ് നശിപ്പിച്ചു. 80 ലിറ്റർ ചാരായവും 800 ലിറ്റർ കോടയും എക്സൈസ് പിടികൂടി നശിപ്പിച്ചു. തങ്കമണി കാമാക്ഷി -അമ്പലമേട് റോഡിൽ കുരിശടിക്ക് സമീപം ചെങ്കുത്തായ പാറയിടുക്കിലാണ് വൻ വ്യാജവാറ്റ് കേന്ദ്രം കണ്ടെത്തിയത്.
ഉദ്യോഗസ്ഥരെ കണ്ടതും സ്ഥലത്തുണ്ടായിരുന്ന യുവാവ് ഓടിരക്ഷപ്പെട്ടു. പ്രതിയെ പിന്തുടർന്ന ഉദ്യോഗസ്ഥർക്ക് പ്രതിയെക്കുറിച്ച് വ്യക്തമായ അറിവ് ലഭിച്ചതിനാൽ അമ്പലമേട് സ്വദേശി പാറയിൽ അനീഷ് എബ്രഹാ (31)മിനെതിരെ കേസ് എടുത്തു.