ആറ് കിലോ കഞ്ചാവുമായി രണ്ട് പേർ എക്‌സൈസ് പിടിയിൽ

കുറുമാത്തൂർ കടവിന് സമീപം താമസിക്കുന്ന ജാഫർ, മലപ്പുറം തിരൂരങ്ങാടി സ്വദേശി വീരാശേരി കമറുദ്ദീൻ എന്നിവരാണ് അറസ്റ്റിലായത്.

കണ്ണൂർ:ആറ് കിലോ കഞ്ചാവുമായി രണ്ട് പേർ പിടിയിൽ. തളിപ്പറമ്പ് എക്‌സൈസ് സംഘമാണ് ഇവരെ പിടികൂടിയത്. കുറുമാത്തൂർ കടവിന് സമീപം താമസിക്കുന്ന ജാഫർ, മലപ്പുറം തിരൂരങ്ങാടി സ്വദേശി വീരാശേരി കമറുദ്ദീൻ എന്നിവരാണ് അറസ്റ്റിലായത്. രഹസ്യവിവരത്തെ തുടർന്ന് തളിപ്പറമ്പ സഹകരണ ആശുപത്രിക്ക് സമീപത്തുവെച്ച് ഇവർ സഞ്ചരിച്ച കാർ തടഞ്ഞ് നടത്തിയ പരിശോധനയിലാണ് കഞ്ചാവ് പിടിച്ചെടുത്തത്.

മൊത്ത വിതരണത്തിനായി ജാഫറും കമറുദ്ദീനും കാറിൽ കഞ്ചാവെത്തിക്കുകയായിരുന്നു. ജാഫർ നേരത്തെയും കഞ്ചാവ് കടത്തിയതിന് പിടിയിലായിട്ടുണ്ടെന്ന് എക്സൈസ് സംഘം പറഞ്ഞു. എക്സൈസ് ഇൻസ്പെക്ടർ എം ദിലീപിന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.