കണ്ണൂർ: ബിജെപിക്ക് എതിരായ കോഴ ആരോപണത്തിൽ ക്രൈം ബ്രാഞ്ച് സംഘം പ്രസീത അഴിക്കോടിന്‍റെ മൊഴിയെടുത്തു. വയനാട് ജില്ലാ ക്രൈം ബ്രാഞ്ച് സംഘമാണ് മൊഴിയെടുത്തത്. കണ്ണൂർ പൊലീസ് ട്രെയിനിങ് സെന്‍ററിൽ വച്ചായിരുന്നു മൊഴിയെടുപ്പ്.
അന്വേഷണത്തിന്‍റെ ഭാഗമായുള്ള കാര്യങ്ങൾ മാത്രമാണ് ചോദിച്ചറിഞ്ഞതെന്നും ഡിജിറ്റൽ തെളിവുകൾ നേരത്തെ കൈമാറിയെന്നും പ്രസീത അഴീക്കോട് ചോദ്യം ചെയ്യലിനു ശേഷം വ്യക്തമാക്കി.
കോഴക്കേസ്; പ്രസീത അഴീക്കോടിന്‍റെ മൊഴിയെടുത്തു
കഴിഞ്ഞ ആഴ്ച പ്രസീതയുടെ വീട്ടിലെത്തി ക്രൈംബ്രാഞ്ച് സംഘം മൊഴി രേഖപ്പെടുത്തിയിരുന്നു. സി.കെ. ജാനു നേതൃത്വം നൽകുന്ന ജനാധിപത്യ രാഷ്ട്രീയ പാർട്ടിയുടെ ട്രഷററാണ് പ്രസീത.
സുരേന്ദ്രൻ പത്ത് ലക്ഷം രൂപ ജാനുവിന് നൽകിയെന്ന് ആരോപിച്ച് സുരേന്ദ്രനുമായുള്ള ഫോൺ സംഭാഷണം ഇവര്‍ പുറത്ത് വിട്ടിരുന്നു.