കണ്ണൂർ: ഏഷ്യയിലെ ഏറ്റവും വലിയ ആദിവാസി പുനരധിവാസ മേഖലയായ ആറളത്ത് കൊവിഡ് പിടിമുറുക്കുന്നു. സമ്പർക്കത്തിലൂടെ രോഗികളുടെ എണ്ണം വർധിക്കുന്നതോടെ പൊലീസും ആരോഗ്യ പ്രവർത്തകരും ജാഗ്രത ശക്തമാക്കി. ഫാമിന്‍റെ വിവിധ മേഖലകളിൽ രോഗികളുടെ എണ്ണം കൂടുന്നതായാണ് കഴിഞ്ഞ ദിവസങ്ങളിലെ കണക്കുകൾ സൂചിപ്പിക്കുന്നത്. മറ്റ് പഞ്ചായത്തുകളെ അപേക്ഷിച്ച് താരതമ്യേന രോഗബാധ കുറവായിരുന്ന ആറളത്ത് വളരെ പെട്ടെന്നാണ് കാര്യങ്ങൾ തകിടം മറിഞ്ഞത്. രോഗം പടർന്നിട്ടും ജനങ്ങൾ അതിന്‍റെ ഗൗരവം മനസിലാക്കാതായതോടെ ആരോഗ്യ പ്രവർത്തകരും പൊലീസും കടുത്ത ജാഗ്രതാ നിർദ്ദേശവുമായി രംഗത്തിറങ്ങുകയായിരുന്നു.
ആറളത്ത് കൊവിഡ് പിടിമുറുക്കുന്നു; ജാഗ്രത ശക്തം