കൊവിഡ് ബാധിച്ച് മരിച്ച കണ്ണൂർ സ്വദേശിയെ ഖബറടക്കി

ഇന്നലെയാണ് ഇദ്ദേഹത്തിന് കൊവിഡ് സ്ഥിരീകരിച്ചത്. ഇരിട്ടിയിലെ വീട്ടിൽ നിന്ന് വിദഗ്ധ ചികിത്സയ്ക്കായി പരിയാരം കണ്ണൂർ ഗവണ്മെന്‍റ് മെഡിക്കൽ കോളജ് ആശുപത്രിയിലേക്ക് മാറ്റുന്നതിനിടെയാണ് മരണം സംഭവിച്ചത്.

കണ്ണൂർ:കൊവിഡ് ബാധിച്ച് മരിച്ച കണ്ണൂർ ഇരിട്ടി പയഞ്ചേരി സ്വദേശി പി കെ മുഹമ്മദിന്‍റെ (70) സംസ്കാര ചടങ്ങുകൾ നടന്നു. ഇരിട്ടി ടൗൺ ജുമുഅ മസ്ജിദിലാണ് കൊവിഡ് പ്രോട്ടോകോൾ അനുസരിച്ചുള്ള സംസ്കാര ചടങ്ങുകൾ നടന്നത്. ഉച്ചയോടെ പരിയാരത്തെ ആശുപത്രി മോർച്ചറിയിൽ നിന്നും മൃതദേഹം ഇരിട്ടിയിലേക്ക് കൊണ്ടുപോയി.

ഇന്നലെയാണ് ഇദ്ദേഹത്തിന് കൊവിഡ് സ്ഥിരീകരിച്ചത്. ഇരിട്ടിയിലെ വീട്ടിൽ നിന്ന് വിദഗ്ധ ചികിത്സയ്ക്കായി പരിയാരം കണ്ണൂർ ഗവണ്മെന്‍റ് മെഡിക്കൽ കോളജ് ആശുപത്രിയിലേക്ക് മാറ്റുന്നതിനിടെയാണ് മരണം സംഭവിച്ചത്. ഇദ്ദേഹവും മറ്റ് നാല് പേരും മെയ് 22-നാണ് മസ്കറ്റിൽ നിന്നാണ് നാട്ടിലേക്ക് എത്തിയത്. ഇദ്ദേഹത്തിന്‍റെ മകന് നേരത്തേ കൊവിഡ് സ്ഥിരീകരിച്ചിരുന്നു. ഇയാൾ അഞ്ചരക്കണ്ടി കോവിഡ് ആശുപത്രിയിൽ ചികിത്സയിലാണ്.

ഇരിട്ടി പയഞ്ചേരിയിൽ നിരീക്ഷണത്തിൽ കഴിഞ്ഞ കുടുംബം ശനിയാഴ്ച കൂത്തുപറമ്പിലെ വീട്ടിലേക്ക് മാറിയിരുന്നു. ഇവിടെ നിരീക്ഷണത്തിൽ കഴിയുന്നതിനിടയിലാണ് സ്രവ പരിശോധന നടത്തിയത്. പരിശോധനയിൽ ഇദ്ദേഹത്തിന് കൊവിഡ് സ്ഥിരീകരിച്ചിരുന്നു. ബുധനാഴ്ച ഇയാൾക്കും ഇയാളുടെ ഭാര്യക്കും മകന്‍റെ ഭാര്യക്കും കൊവിസ് സ്ഥിരീകരിച്ചിരുന്നു. ഇവരും ആശുപത്രിയിൽ ചികിത്സയിലാണ്.

മുഹമ്മദിന് ഹൃദയസംബന്ധിയായ അസുഖങ്ങളുണ്ടായിരുന്നുവെന്ന് ആശുപത്രി അധികൃതർ അറിയിച്ചു. പരിയാരം മെഡിക്കൽ കോളജിലേക്കാണ് മുഹമ്മദിനെ മാറ്റാനിരുന്നത്. എന്നാൽ ഇവിടേക്ക് കൊണ്ടുപോകുന്നതിനിടെ മരണം സംഭവിക്കുകയായിരുന്നു. മുഹമ്മദിന്‍റെ മരണത്തോടെ കേരളത്തിൽ കൊവിഡ് ബാധിച്ച് മരിച്ചവരുടെ എണ്ണം 18 ആയി.