കോറോണ വൈറസ്; സംസ്ഥാനത്ത് മൂന്ന് പേർ നിരീക്ഷണത്തിലെന്ന് ആരോഗ്യ മന്ത്രി

ഇന്ന്  വുഹാനില്‍ നിന്നുള്ള എം.ബി.ബി.എസ്  വിദ്യാർഥിയെ  നിരീക്ഷണത്തിനായി എറണാകുളം മെഡിക്കൽ കോളേജിൽ പ്രവേശിപ്പിച്ചിട്ടുണ്ടെന്നും ആരോഗ്യമന്ത്രി പറഞ്ഞു.

കണ്ണൂര്‍: കോറോണ വൈറസുമായി ബന്ധപ്പെട്ട് സംസ്ഥാനത്ത് മൂന്ന് പേർ നിരീക്ഷണത്തിലെന്ന് ആരോഗ്യ മന്ത്രി കെ.കെ ശൈലജ. ഇന്ന് വുഹാനില്‍ നിന്നുള്ള എം.ബി.ബി.എസ് വിദ്യാർഥിയെ നിരീക്ഷണത്തിനായി എറണാകുളം മെഡിക്കൽ കോളജിൽ പ്രവേശിപ്പിച്ചുവെന്നും ഇയാളെ ഐസൊലേഷൻ വാർഡിൽ പ്രവേശിപ്പിച്ചിരിക്കുകയാണെന്നും പരിശോധനാ ഫലം പൂനെയിൽ നിന്ന് ഇന്ന് ലഭിച്ചേക്കുമെന്നും ആരോഗ്യമന്ത്രി പറഞ്ഞു.

വിമാനത്താവളങ്ങളിൽ നിലവിലുള്ള പരിശോധന തുടരും. യാത്രാവിലക്കുള്ള സ്ഥലങ്ങളിൽ നിന്നുള്ളവരെ കേരളത്തിലേക്ക് മാറ്റാന്‍ ശ്രമിക്കുന്നത് സുരക്ഷിതമല്ലെന്നും നോർക്ക വഴി അവിടെ തന്നെ സൗകര്യമൊരുക്കുമെന്നും കെ.കെ ശൈലജ കണ്ണൂരില്‍ പറഞ്ഞു.