കണ്ണൂരിൽ പുഴയിൽ കാണാതായ രണ്ടാമത്തെ യുവാവിന്‍റെ മൃതദേഹവും കരയ്‌ക്കെത്തിച്ചു

ശനിയാഴ്‌ച വൈകിട്ട് ആറാട്ടുകടവില്‍ കുളിക്കുന്നതിനിടെയാണ് അക്ഷയ്, ജോസഫ് എന്നിവരെ പുഴയിൽ കാണാതായത്.

കണ്ണൂർ :ആലക്കോട് രയരോം പുഴയിൽ കാണാതായ രണ്ടാമത്തെ യുവാവിന്‍റെ മൃതദേഹവും കണ്ടെത്തി. നാലുദിവസത്തെ തെരച്ചിലിനൊടുവിലാണ് മൃതദേഹം കരയ്‌ക്കെത്തിച്ചത്. ശനിയാഴ്‌ചയാണ് അക്ഷയ്, ജോസഫ് എന്നിവരെ കാണാതായത്. ജോസഫിന്‍റെ മൃതദേഹം കഴിഞ്ഞ ദിവസം തന്നെ കണ്ടെത്തിയിരുന്നു.

കണ്ണൂര്‍ അരങ്ങം സ്വദേശിയാണ് അക്ഷയ്. പൊലീസും അഗ്നിസുരക്ഷ സേനയും നാട്ടുകാരും ചേര്‍ന്ന് നടത്തിയ തെരച്ചിലിൽ മൃതദേഹം കണ്ടെത്തുകയായിരുന്നു. ശനിയാഴ്‌ച വൈകിട്ട് ആറാട്ടുകടവില്‍ കുളിക്കുന്നതിനിടെയാണ് ഇരുവരും ഒഴുക്കില്‍പ്പെട്ടത്.