ഇടുക്കി: കാട്ടാനയുടെ ആക്രമണത്തിൽ ബൈക്ക് യാത്രിക കൊല്ലപ്പെട്ടു. ചട്ടമൂന്നാർ സ്വദേശിനി വിജി കുമാർ(36)കൊല്ലപ്പെട്ടത്. ശാന്തൻപാറ ആനയിറങ്കലിനു സമീപം എസ്‌ വളവില്‍ വച്ച് കാട്ടാന ആക്രമിക്കുകയായിരുന്നു. ഭർത്താവ് കുമാർ നിസാര പരുക്കുകളോടെ രക്ഷപെട്ടു. തമിഴ്‌നാട്ടിലെ ബന്ധുവീട്ടിൽ പോയി തിരികെ വരികയായിരുന്നു. പുലര്‍ച്ചെ 5.30നാണ് അപകടമുണ്ടായത്.
കാട്ടാനയുടെ ആക്രമണത്തില്‍ യുവതിക്ക് ദാരുണാന്ത്യം
ഇരുചക്ര വാഹനത്തിൽ വളവ് തിരിഞ്ഞെത്തിയ ഇരുവരും റോഡിൽ നിന്ന ഒറ്റയാന്റെ മുൻപിൽ പെടുകയായിരുന്നു. ബൈക്ക് തിരിച്ചു രക്ഷപെടാൻ ശ്രമിക്കുന്നതിനിടയിൽ മറിഞ്ഞു വീഴുകയും കാട്ടാന ആക്രമിക്കുകയുമായിരുന്നു. ബൈക്കിന് അടിയിൽപെട്ടുപോയ കുമാർ രക്ഷപ്പെട്ടു.