ചിന്നക്കനാലിൽ കാട്ടാന ആക്രമണം; ഭീതിയോടെ പ്രദേശവാസികൾ

കഴിഞ്ഞ കുറച്ചാഴ്ചകളായി ആനയിറങ്കല്‍ പെരിയകനാല്‍ മേഖലയില്‍ തമ്പടിച്ചിരിക്കുന്ന കാട്ടാന വ്യാപാക നാശമാണ് വിതയ്ക്കുന്നത്.

ഇടുക്കി: കാട്ടാന ആക്രമണത്തിൽ പൊറുതിമുട്ടി ചിന്നക്കനാല്‍ പെരിയകനാല്‍ മേഖല. കഴി‍ഞ്ഞ ഒരാഴ്ചയായി പ്രദേശത്ത് തമ്പടിച്ചിരിക്കുന്ന കാട്ടാന പെരിയകനിലിലെ പെട്ടിക്കട തകര്‍ത്തു. വയോധികനായ സുബ്രഹ്മണിയുടെ കടയാണ് കാട്ടാന തകര്‍ത്തതത്. കഴിഞ്ഞ ആഴ്ച ഇതിന് സമീപത്തുള്ള തോട്ടത്തിലെ ഏലച്ചെടികളും കെട്ടിടവും കാട്ടാന തകര്‍ത്തിരുന്നു.

കുറച്ചാഴ്ചകളായി ആനയിറങ്കല്‍ പെരിയകനാല്‍ മേഖലയില്‍ തമ്പടിച്ചിരിക്കുന്ന കാട്ടാന വ്യാപാക നാശമാണ് വിതയ്ക്കുന്നത്. കഴിഞ്ഞ ഒരുമാസക്കാലമായി പ്രദേശത്ത് കാട്ടാന, കുരങ്ങ്, പുലി അടക്കമുള്ള വന്യമൃഗങ്ങളുടെ ശല്യം രൂക്ഷമാണ്. വനം വകുപ്പ് വേണ്ട രീതിയിലുള്ള ഇടപെടല്‍ നടത്തുന്നില്ലെന്നും നാട്ടുകാര്‍ ആരോപിക്കുന്നു. ഈ സാഹചര്യത്തൽ ജനകീയ പ്രക്ഷോപത്തിന് തയാരെടുക്കുകയാണ് കര്‍ഷകര്‍.