വാഗമണിൽ തൂക്കുപാലം പൊട്ടിവീണ് 10 പേർക്ക് പരിക്ക്

അഞ്ച്  പേർക്ക് മാത്രം കയറാവുന്ന പാലത്തിൽ സെക്യൂരിറ്റി ജീവനക്കാരുടെ വിലക്ക് മറികടന്ന് കൂടുതൽ പേർ കയറിയതാണ് അപകട കാരണമെന്നാണ് വിലയിരുത്തൽ .

വാഗമൺ ആത്മഹത്യാ മുനമ്പിൽ തൂക്കുപാലം തകർന്ന് വീണ് വിനോദ സഞ്ചാരികളായ 10 പേർക്ക് പരിക്കേറ്റു. അങ്കമാലി, ചുള്ളി സെന്‍റ് ജോർജ് ദേവാലയത്തിൽ നിന്നും വന്നവരാണ്ഇന്ന് ഉച്ചയോടെ അപകടത്തിൽപ്പെട്ടത്.

അഞ്ച്പേർക്ക് മാത്രം കയറാവുന്ന പാലത്തിൽ സെക്യൂരിറ്റി ജീവനക്കാരുടെ വിലക്ക് മറികടന്ന് കൂടുതൽ പേർ കയറിയതാണ് അപകട കാരണമെന്നാണ് വിലയിരുത്തൽ. പരിക്കേറ്റവരെ ഈരാറ്റുപേട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു.

ഇതിൽ ഒരാളുടെ കാലിന് സാരമായ പൊട്ടലുണ്ട്. മറ്റുളളവരുടെ നില ഗുരുതരമല്ല. എന്നാൽ തൂക്കുപാലത്തിൽ കയറുന്നതിനാവശ്യമായ നിർദേശങ്ങളൊന്നും അധികൃതരിൽ നിന്ന് ലഭിച്ചിരുന്നില്ലെന്ന് അപകടത്തിൽപ്പെട്ടവർ പറഞ്ഞു. കഴിഞ്ഞ ആഴ്ച്ചയാണ് തൂക്കുപാലം സന്ദർശകർക്കായി തുറന്നു കൊടുത്തത്.