വാഗമൺ നിശാപാർട്ടി കേസ്; രണ്ടു പേരെ കൂടി പ്രതി ചേർത്തു

നൈജീരിയൻ സ്വദേശികളായ രണ്ടുപേരെയാണ് പ്രതി ചേർത്തത്

ഇടുക്കി: വാഗമൺ ലഹരി നിശാപാർട്ടി കേസുമായി ബന്ധപ്പെട്ട് രണ്ടു പേരെ കൂടി പ്രതി ചേർത്തു. നൈജീരിയൻ സ്വദേശികളായ രണ്ടുപേരെയാണ് പ്രതി ചേർത്തത്.

ഇതോടെ കേസിലെ പ്രതികളുടെ എണ്ണം 11ആയി. ബാംഗ്ലൂരിലുള്ള നൈജീരിയൻ സ്വദേശികളിൽ നിന്നാണ് നിശാപാർട്ടിക്ക് ലഹരി മരുന്നുകൾ ലഭിച്ചതെന്ന് പ്രതികളിലൊരാൾ മൊഴി നൽകിയതോടെയാണ് ഇവരെ പ്രതി ചേർത്തത്. ഇതോടെ ഇവരെ പിടികൂടാനുള്ള അന്വേഷണം ഊർജിതമാക്കുകയായിരുന്നു.