വണ്ടിപ്പെരിയാർ കൊലപാതകം; രാഷ്ട്രീയപോര് മുറുകുന്നു

ആറ് വയസുകാരിയെ അതിമൃഗീയമായി ബലാത്സംഗം ചെയ്ത് കൊന്ന് കെട്ടിതൂക്കിയ കേസിലെ പ്രതി ഡിവൈഎഫ്ഐ നേതാവെന്ന് യൂത്ത് കോണ്‍ഗ്രസ്

ഇടുക്കി:ആറ് വയസുകാരിയെ പീഡിപ്പിച്ചു കൊന്ന് കെട്ടിതൂക്കിയ അർജുൻ ഡിവൈഎഫ്ഐ നേതാവെന്ന് യൂത്ത് കോണ്‍ഗ്രസ്. പ്രതിയെ സംരക്ഷിക്കാൻ ഡിവൈഎഫ്ഐ ശ്രമിക്കുന്നുവെന്നും യൂത്ത് കോണ്‍ഗ്രസ് ആരോപിച്ചു. യൂത്ത് കോൺഗ്രസ് അധ്യക്ഷൻ ഷാഫി പറമ്പിൽ ഇന്ന് വണ്ടിപ്പെരിയാറിലെ കുട്ടിയുടെ വീട് സന്ദർശിക്കും.

അതേസമയം അർജുൻ ഡിവൈഎഫ്ഐ നേതാവല്ലെന്നും ചുരക്കുളം യൂണിറ്റംഗം മാത്രമാണെന്നും അർജുനെ അന്ന് തന്നെ പാർട്ടിയിൽ നിന്ന് പുറത്താക്കിയിരുന്നുവെന്നും ഡിവൈഎഫ്ഐ അറിയിച്ചു . മൂവാറ്റുപുഴ പോക്സോ കേസിൽ നിന്ന് ശ്രദ്ധ തിരിക്കാനാണ് വണ്ടിപ്പെരിയാർ സംഭവം യൂത്ത് കോണ്‍ഗ്രസ് ഉയർത്തിക്കൊണ്ടുവരുന്നതെന്നാണ് ഡിവൈഎഫ്ഐയുടെ ആരോപണം.