വണ്ടിപ്പെരിയാറിൽ പുലിയിറങ്ങി: ജനം ഭീതിയില്‍

പ്രദേശത്ത് രണ്ട് ആടുകളെയാണ് പുലി കൊലപ്പെടുത്തിയത്

ഇടുക്കി:വണ്ടിപ്പെരിയാറിൽ പുലിയിറങ്ങി രണ്ട് ആടുകളെ കൊന്നു. ആട് ചത്ത ഇടത്ത് പുലിയുടെ കാൽപ്പാടുകള്‍ കണ്ടെത്തിയതായി വനപാലകർ പറഞ്ഞു. പുലിയാണ് ആടിനെ കൊന്നതെന്ന് നാട്ടുകാർ ആരോപിച്ചിരുന്നു . തുടര്‍ന്ന് നടത്തിയ അന്വേഷണത്തിലാണ് പുലിയുടെ കാല്‍പ്പാടുകള്‍ കണ്ടെത്തിയത്.വാളാർഡി തേയില തോട്ടത്തിനരികിലുള്ള പാറക്കെട്ടിലാണ് പുലിയുള്ളതെന്നാണ് നാട്ടുകാർ പറയുന്നത്. ഈ തോട്ടത്തിലാണ് ആടുകളുടെ ശരീരഭാഗവും കണ്ടെത്തിയത്. കുമളി വനപാലകർ സ്ഥലത്ത് എത്തി പരിശോന നടത്തി.