ഇടുക്കി: കൊവിഡ് വ്യാപനം രൂക്ഷമായതിനെ തുടർന്ന് ജില്ലയിലെ പ്രധാനപ്പെട്ട പ്രാദേശിക വിനോദസഞ്ചാര കേന്ദ്രങ്ങൾ അടച്ചുപൂട്ടിയതോടെ സഞ്ചാരികൾ നിരാശരായി മടങ്ങുന്നു. വിനോദസഞ്ചാര മേഖലയിലെ വ്യാപാരികൾക്കും ജീവനക്കാർക്കും ഉൾപ്പെടെ നിരവധി പേർക്ക് കൊവിഡ് സ്ഥിരീകരിച്ചതിനെ തുടർന്നാണ് ടൂറിസം കേന്ദ്രങ്ങൾ അടച്ചത്.
ഇത് അറിയാതെ വിവിധ ജില്ലകളിൽ നിന്നും ഇതരസംസ്ഥാനങ്ങളില്‍ നിന്നും നിരവധി സഞ്ചാരികളാണ് പ്രദേശിക ടൂറിസം കേന്ദ്രങ്ങളിൽ എത്തി നിരാശരായി മടങ്ങുന്നത്. അതേസമയം ഓണകാലത്തോട് അനുബന്ധിച്ച് ജില്ലയിലെ എല്ലാ വിനോദസഞ്ചാര കേന്ദ്രങ്ങളും തുറന്ന് പ്രവർത്തിച്ചിരുന്നു.
ഇടുക്കിയിലെ പ്രദേശിക വിനോദസഞ്ചാര കേന്ദ്രങ്ങളിലെത്തുന്ന സഞ്ചാരികൾ നിരാശരായി മടങ്ങുന്നു