ഇടുക്കി: മൂന്നാര്‍ സര്‍ക്കാര്‍ ഹയര്‍സെക്കണ്ടറി സ്‌കൂളില്‍ ഓഫീസ് കുത്തിതുറന്ന് മോഷണം നടന്നതിന് പിന്നാലെ ഗ്രഹാംസ് ലാന്‍ഡ് പാര്‍വ്വതിയമ്മന്‍ ക്ഷേത്രത്തിലും സമീപത്തെ പെട്ടിക്കടയിലും മോഷണം. ക്ഷേത്ര കവാടത്തിൻ്റെ പൂട്ട് തകര്‍ത്താണ് മോഷണം നടത്തിയത്. എണ്ണായിരത്തോളം രൂപ മോഷ്ടിക്കപ്പെട്ടു. ക്ഷേത്രത്തിനുള്ളില്‍ സൂക്ഷിച്ചിരുന്ന കിണ്ടിയുള്‍പ്പെടെയുള്ള പാത്രങ്ങള്‍ കവര്‍ന്നെങ്കിലും സമീപത്തെ കുറ്റിക്കാട്ടില്‍ ഉപേക്ഷിച്ചു. ക്ഷേത്ര ദര്‍ശനത്തിന് എത്തിയവരാണ് മോഷണവിവരം പൊലീസില്‍ അറിയിച്ചത്.
മൂന്നാര്‍ മേഖലയില്‍ മോഷണം വര്‍ധിക്കുന്നു