മഴ കനത്തേക്കും ; ഇടുക്കിയില്‍ കൂടുതല്‍ നിയന്ത്രണങ്ങള്‍

മഴ കൂടുതൽ ശക്തമായാൽ ദുരിതാശ്വാസ ക്യാമ്പുകൾ തുറക്കും. കൺട്രോൾ റൂമുകൾ പ്രവർത്തനം ആരംഭിച്ചിട്ടുണ്ട്

ഇടുക്കി :ജില്ലയിലെ ഇടുക്കി താലൂക്കിൽ രാത്രികാലങ്ങളില്‍ ക​ന​ത്ത മ​ഴ. മഴക്കെടുതി നേരിടാൻ എല്ലാ മുന്നൊരുക്കങ്ങളും സ്വീകരിച്ചിട്ടുണ്ടെന്ന് മന്ത്രി റോഷി അഗസ്റ്റിൻ അറിയിച്ചു. മഴ കൂടുതൽ ശക്തമായാൽ ദുരിതാശ്വാസ ക്യാമ്പുകൾ തുറക്കും. കൺട്രോൾ റൂമുകൾ പ്രവർത്തനം ആരംഭിച്ചു. അണക്കെട്ടുകൾ തുറക്കേണ്ടി വരില്ലെന്നാണ് പ്രതീക്ഷയെന്നും റോഷി അഗസ്റ്റിൻ കട്ടപ്പനയിൽ പറഞ്ഞു.

അ​തിതീ​വ്ര മ​ഴ​യ്ക്ക് സാ​ധ്യ​ത​യു​ണ്ടെ​ന്ന കാ​ലാ​വ​സ്ഥാവ​കു​പ്പി​ന്‍റെ മു​ന്ന​റി​യി​പ്പി​നെ തു​ട​ര്‍​ന്ന് ജി​ല്ല​യി​ല്‍ റെ​ഡ് അ​ല​ര്‍​ട്ടും നാ​ളെ ഓ​റ​ഞ്ച് അ​ല​ര്‍​ട്ടും പ്ര​ഖ്യാ​പി​ച്ചു. ഇ​ന്ന് രാ​വി​ലെ ഏ​ഴി​ന് അ​വ​സാ​നി​ച്ച 24 മ​ണി​ക്കൂ​റി​ല്‍ ജി​ല്ല​യി​ല്‍ 41.53 മി​ല്ലീ​മീ​റ്റ​ര്‍ മ​ഴ​യാ​ണ് ല​ഭി​ച്ച​ത്. ഇടുക്കി താലൂക്ക് പരിധിയിൽ ഇ​ട​വി​ട്ട് ശ​ക്ത​മാ​യ മ​ഴ ല​ഭി​ച്ചു. അ​പ​ക​ട സാ​ധ്യ​ത ക​ണ​ക്കി​ലെ​ടു​ത്ത് എ​ല്ലാ വ​കുപ്പു​ക​ള്‍​ക്കും ജി​ല്ല ഭ​ര​ണ​കൂ​ടം ജാ​ഗ്ര​താനി​ര്‍​ദേ​ശം ന​ല്‍​കി​യി​ട്ടു​ണ്ട്.

ദു​ര​ന്ത നി​വാ​ര​ണ പ്ര​വ​ര്‍​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന​തി​നാ​യി താ​ലൂ​ക്ക് ത​ല​ത്തി​ല്‍ നോ​ഡല്‍ ഓ​ഫിസ​ര്‍​മാ​രെ​യും നി​യോ​ഗി​ച്ചു. ഇ​ടു​ക്കി ഡെ​പ്യൂ​ട്ടി ക​ല​ക്ട​ര്‍ (എ​ല്‍​ആ​ര്‍ )- തൊ​ടു​പു​ഴ താ​ലൂ​ക്ക്, ഇ​ടു​ക്കി ആ​ര്‍​ഡി​ഒ -ഇ​ടു​ക്കി, എ​സി​എ​സ്‌ഒ കു​മ​ളി -പീ​രു​മേ​ട്, ദേ​വി​കു​ളം സ​ബ് ക​ല​ക്ട​ര്‍ -ദേ​വി​കു​ളം, ഡെ​പ്യൂ​ട്ടി ക​ലക്ട​ര്‍ ആ​ര്‍​ആ​ര്‍-​ഉ​ടു​മ്പന്‍ചോല എ​ന്നി​വ​രാ​ണ് നോ​ഡ​ല്‍ ഓ​ഫി​സ​ര്‍​മാ​ര്‍. ജി​ല്ലാ താ​ലൂ​ക്ക് ത​ല​ത്തി​ല്‍ ക​ണ്‍​ട്രോ​ള്‍ റൂ​മു​ക​ളും പ്ര​വ​ര്‍​ത്തി​ക്കു​ന്നു​ണ്ട്.

ഉടുമ്പൻചോല താലൂക്കിൽ രാത്രിയിൽ ഇടവിട്ട മഴ :- മഴയെ തുടര്‍ന്ന് തോട്ടങ്ങളിൽ പണി നിർത്തിവച്ചു. നാശനഷ്ടങ്ങൾ റിപ്പോർട്ട് ചെയ്തില്ല. താലൂക്കിന്‍റെ പ​ല ഭാ​ഗ​ത്തും ശ​ക്ത​മാ​യ മ​ഴ ല​ഭി​ച്ചി​ല്ല. മ​ഴ മു​ന്ന​റി​യി​പ്പ് മാ​റു​ന്ന​തുവ​രെ ജി​ല്ല​യി​ല്‍ ട്ര​ക്കിം​ഗ്, ഓ​ഫ് റോ​ഡ് ഡ്രൈ​വിം​ഗ്, എ​ന്നി​വ​യ്ക്ക് ക​ല​ക്ട​ര്‍ നി​രോ​ധ​നം ഏ​ര്‍​പ്പെ​ടു​ത്തി. മ​ല​യോ​ര റോ​ഡു​ക​ളി​ലൂ​ടെ​യു​ള്ള രാ​ത്രി യാത്ര​യ്ക്കും നി​യ​ന്ത്ര​ണ​മു​ണ്ട്.

തോ​ട്ടം മേ​ഖ​ല​യി​ല്‍ മ​ണ്ണി​ടി​ഞ്ഞും മ​രം വീ​ണും അ​പ​ക​ട​മു​ണ്ടാ​കാ​നു​ള്ള സാ​ധ്യ​ത​യു​ള്ള​തി​നാല്‍ ഇ​ത്ത​രം സ്ഥ​ല​ങ്ങ​ളി​ല്‍ തൊ​ഴി​ലാ​ളി​ക​ളെ പ​ണി​യെ​ടു​പ്പി​ക്കു​ന്ന​തും നി​രോ​ധി​ച്ചു. മ​ഴ മുന്ന​റി​യി​പ്പ് നി​ലനി​ല്‍​ക്കു​ന്ന​തി​നാ​ല്‍ മ​ണ്ണെ​ടു​പ്പ്, ക്വാ​റി, മൈ​നിം​ഗ് പ്ര​വ​ര്‍​ത്ത​ന​ങ്ങ​ള്‍​ക്കും നി​രോ​ധ​നം ഏ​ര്‍​പ്പെ​ടു​ത്തി. ഡാ​മു​ക​ളി​ലെ ജ​ല​നി​ര​പ്പ് ഉ​യ​രു​ന്ന സാ​ഹ​ച​ര്യ​ത്തി​ല്‍ ആ​വ​ശ്യ​മാ​യ സു​ര​ക്ഷാ മു​ന്‍​ക​രു​ത​ല്‍ ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്നും നി​ര്‍​ദേ​ശ​മു​ണ്ട്.