ഇടുക്കി:ശക്‌തമായ മഴയെ തുടർന്ന് ജില്ല ഭരണകൂടം ഗ്യാപ്പ് റോഡ് അടച്ചതോടെ പെരിയകനാൽ പവർ ഹൗസ് വെള്ളച്ചാട്ടത്തിന്‍റെ മനോഹര ദൃശ്യം ആസ്വാദിക്കുവാൻ സാധിക്കാതെ സഞ്ചാരികൾ. നിയന്ത്രണം മൂലം സഞ്ചാരികൾ ഇല്ലാത്തതിന്‍റെ ആലസ്യത്തിലാണ് വെള്ളച്ചാട്ടങ്ങളും ഇതിനെ ആശ്രയിച്ച് കഴിയുന്ന കച്ചവടക്കാരും.
ALSO READ: ഞായറാഴ്‌ച വരെ സംസ്ഥാനത്ത് അതിശക്തമായ മഴയ്ക്ക് സാധ്യത; ഇന്ന് 8 ജില്ലകളിൽ ഓറഞ്ച് അലർട്ട്
തട്ടുകളായി ഒഴുകിയെത്തുന്ന പെരിയകനാൽ വെള്ളച്ചാട്ടം മനം കുളിർക്കുന്ന കാഴ്ചയാണ്. കൊച്ചി-ധനുഷ്‌കോടി ദേശീയപാതയോരത്ത് പെരിയകനാലിലാണ് ഈ മനോഹര കാഴ്ച. കുന്നിൻ ചെരുവിലെ തേയിലകാടുകളുടെ പച്ചപ്പിനിടയിലൂടെയുള്ള ഈ ജലപാതം സഞ്ചാരികളെ ഇവിടേക്ക് ആകർഷിക്കുന്നു.
ഹൈറേഞ്ചിലെ വിവിധ മേഖലകളിൽ മഴ പെയ്തതോടെ വെള്ളച്ചാട്ടങ്ങളും സമൃദ്ധമായി ഒഴുകുകയാണ്. എന്നാൽ യാത്ര നിരോധനം നിലനിൽക്കുന്നതിനാൽ ഈ കാഴ്ചകൾ ആസ്വദിക്കാൻ സഞ്ചാരികളില്ല. ഒപ്പം ഇവിടങ്ങളിൽ കച്ചവടം നടത്തി ഉപജീവനം നടത്തുന്ന കച്ചവടക്കാരും പ്രതിസന്ധിയിലൂടെയാണ് കടന്ന് പോകുന്നത്.