ഇടുക്കി: നെടുങ്കണ്ടം പട്ടം കോളനിയിൽ വേറിട്ട രീതിയിൽ നടത്തിയ നെൽകൃഷി പൂർണവിജയത്തിൽ. കുരുമുളക് തോട്ടത്തിനിടയിലാണ് ഇവിടെ നെൽകൃഷി നടത്തിയത്. നെടുങ്കണ്ടം കോമ്പയാർ താന്നിക്കൽ സുഖേശൻ പരമേശ്വരന്‍റെ പറമ്പിലെ കൃഷിയിടത്തിലാണ് പരീക്ഷണാർഥം ഇത്തവണ കൃഷിയിറക്കിയത്. കരനെൽ കൃഷിക്ക് വളരെ പ്രസിദ്ധമായിരുന്ന ഇവിടെ 30 വർഷങ്ങള്‍ക്ക് ശേഷമാണ് വീണ്ടും കൃഷിയിറക്കിയത്. തോട്ടത്തിന് നടുവിലെ 25 സെന്‍ററിലാണ് പാലക്കാട് നിന്നെത്തിച്ച വിത്തെറിഞ്ഞത്. ആറു മാസത്തിനിപ്പുറം നൂറുമേനി വിളവാണ് കുരുമുളക് തോട്ടത്തിലെ കൃഷിയിൽ നിന്നും ലഭിച്ചത്.
വിജയം കണ്ട് കുരുമുളക് തോട്ടത്തിലെ നെല്‍കൃഷി