ഇടുക്കി:തൂക്കുപാലം ബസ് സ്റ്റാന്‍റിലെ ശുചിമുറികള്‍ സംരക്ഷണം ഇല്ലാതെ നശിക്കുന്നു. ലക്ഷങ്ങള്‍ മുടക്കി നിര്‍മിച്ച കംഫര്‍ട്ട് സ്റ്റേഷന്‍ തകർച്ചയിലാണ്. തൂക്കുപാലം ടൗണില്‍ നെടുങ്കണ്ടം ഗ്രാമ പഞ്ചായത്ത് ബസ് സ്റ്റാന്‍റില്‍ നിര്‍മിച്ചിരിക്കുന്ന ശുചിമുറികളാണ് സംരക്ഷണം ഇല്ലാതെ നശിക്കുന്നത്‌. നെടുങ്കണ്ടം, കരുണാപുരം, പാമ്പാടുംപാറ ഗ്രാമ പഞ്ചായത്തുകളുടെ അതിര്‍ത്തിയില്‍ സ്ഥിതി ചെയ്യുന്ന പട്ടണമാണ് തൂക്കുപാലം. ടൗണിന്‍റെ വികസനത്തിനായി മൂന്ന് ഗ്രാമ പഞ്ചായത്തുകളും കാര്യമായ ഇടപെടലുകള്‍ നടത്തുന്നില്ല എന്ന ആക്ഷേപമുണ്ട്.
അധികൃതരുടെ അനാസ്ഥ; സംരക്ഷണം ഇല്ലാതെ തൂക്കുപാലം ബസ് സ്റ്റാന്‍റിലെ ശുചിമുറികള്‍