ഇടുക്കി: വിവിധ ആവശ്യങ്ങള്‍ ഉന്നയിച്ച് സംയുക്ത തൊഴിലാളി സംഘടനകള്‍ ആഹ്വാനം ചെയ്‌ത 24 മണിക്കൂര്‍ ദേശീയ പണിമുടക്ക് അടിമാലി -മൂന്നാര്‍ മേഖലകളില്‍ പൂര്‍ണം. കടകമ്പോളങ്ങള്‍ പൂര്‍ണമായി അടഞ്ഞ് കിടക്കുകയാണ്. സ്വകാര്യ ബസുകളും കെ.എസ്.ആര്‍.ടി.സി ബസുകളും സര്‍വ്വീസ് നടത്തുന്നില്ല. സ്വകാര്യ വാഹനങ്ങളും ടാക്‌സി വാഹനങ്ങളും നിരത്തിലിറങ്ങിയില്ല. മൂന്നാറിന്‍റെ വിനോദ സഞ്ചാരമേഖലയേയും തോട്ടം മേഖലയേയും പണിമുടക്ക് പ്രതികൂലമായി ബാധിച്ചു. സംയുക്ത ട്രേഡ് യൂണിയന്‍ പ്രവര്‍ത്തകര്‍ പണിമുടക്കിന് അഭിവാദ്യമര്‍പ്പിച്ച് അടിമാലിയില്‍ പ്രകടനവും സമ്മേളനവും സംഘടിപ്പിച്ചു. വിവിധ യൂണിയന്‍ നേതാക്കള്‍ യോഗത്തില്‍ അഭിവാദ്യമര്‍പ്പിച്ച് സംസാരിച്ചു.
ദേശീയ പണിമുടക്ക് അടിമാലി മൂന്നാര്‍ മേഖലകളില്‍ പൂര്‍ണം