അന്ത്യ അത്താഴ സ്‌മരണയില്‍ ക്രൈസ്‌തവർ പെസഹ ആചരിക്കുന്നു
ഇടുക്കി: ക്രിസ്തുവിന്റെ അന്ത്യ അത്താഴ വിരുന്നിന്റെ ഓർമ്മ പുതുക്കലിന്റെ ഭാഗമായി വിവിധ ദേവാലയങ്ങളിൽ പ്രത്യേക ശുശ്രൂഷകളും കാൽകഴുകലും നടന്നു. ഇന്നു വൈകിട്ട് പെസഹ അപ്പം മുറിക്കലും ഉണ്ടാകും. നാളെ ദുഃഖവെള്ളിയാഴ്ച ദിവസം കുരിശിന്റെ വഴിയും പ്രത്യേക പ്രാർഥനകളും നടക്കും. 'കടന്നുപോകല്‍' എന്നാണ് പെസഹ എന്ന വാക്ക് അർഥമാക്കുന്നത്.
യേശു ക്രിസ്‌തു സ്വയം അപ്പവും വീഞ്ഞുമായി മാറി അപ്പോസ്‌തലർക്ക് വിഭജിച്ച് നല്‍കി വിശുദ്ധ കുർബാന നടത്തിയതും പന്ത്രണ്ട് ശിഷ്യരുടെ കാല്‍ കഴുകിയതിന്‍റെയും ഓർമയാണ് പെസഹ ദിനമായി ആചരിക്കുന്നത്. ലോകത്തിന് മുഴുവൻ എളിമയുടെ സന്ദേശമാണ് യേശു ഇതുവഴി നല്‍കിയതെന്നും ക്രൈസ്‌തവർ വിശ്വസിക്കുന്നു.