ഇടുക്കി : 2018 ലെ പ്രളയകാലം മുതല്‍ പ്രതിസന്ധിയിലാണ് ഇടുക്കിയിലെ ടൂറിസം മേഖല. കൊവിഡ് പ്രതിസന്ധി രൂക്ഷമായി തുടരുന്നതിനാല്‍ ഈ മേഖലയുടെ പ്രവര്‍ത്തനം പൂര്‍ണമായും നിലച്ചു. വിനോദ സഞ്ചാരികളെ ആശ്രയിച്ച് വരുമാനം കണ്ടെത്തിയിരുന്ന ലക്ഷക്കണക്കിന് ആളുകള്‍ക്കാണ് ജോലി ഇല്ലാതായത്.
ഈ സാഹചര്യത്തിൽ ഇടുക്കിയിലെ ഓരോ ടൂറിസം സെന്‍ററുകളും കേന്ദ്രീകരിച്ച് മാസ് വാക്‌സിനേഷന്‍ ക്യാമ്പുകള്‍ സംഘടിപ്പിച്ച് ഇവ തുറക്കാന്‍ നടപടി സ്വീകരിയ്ക്കണമെന്ന ആവശ്യം ശക്തമാണ്.
ഇടുക്കി ടൂറിസം മേഖല പ്രതിസന്ധിയിൽ ; മാസ് വാക്‌സിനേഷനായി ആവശ്യം ശക്തം
ടൂറിസം രംഗത്ത് സ്വയം തൊഴില്‍ കണ്ടെത്തിയവരെല്ലാം കടക്കെണിയിലാണ്. നിലവിലെ രീതിയില്‍ വാക്‌സിനേഷന്‍ തുടര്‍ന്നാല്‍ ടൂറിസം മേഖല തുറക്കുന്നതിന് ഇനിയും കാലതാമസം ഉണ്ടാകും.