ലോറി വീട്ടുമുറ്റത്തേക്ക് മറിഞ്ഞ് ഒരാള്ക്ക് പരിക്ക്
റോഡില് ഒഴിച്ചിരുന്ന ടാറില് തെന്നി നീങ്ങിയ ലോറി സമീപത്തെ വീട്ടുമുറ്റത്തേക്ക് പതിക്കുകയായിരുന്നു
ഇടുക്കി:ടാര് മിക്സുമായി എത്തിയ ലോറി പാതയോരത്തെ വീട്ടുമുറ്റത്തേക്ക് മറിഞ്ഞ് ഒരാള്ക്ക് പരിക്ക്. കൈക്ക് പൊള്ളലേറ്റ വീട്ടുടമയായ ഫാറ്റോയെ ആശുപത്രിയില് പ്രവേശിപ്പിച്ചു. അടിമാലി ആനച്ചാലില് രാവിലെ 11 ന് ആയിരുന്നു അപകടം. ആനച്ചാല് ആഡിറ്റ് റോഡിന്റെ ടാറിങ് ജോലികള്ക്കുള്ള ടാര് മിക്സുമായി എത്തിയ ലോറിയാണ് അപകടത്തില്പ്പെട്ടത്. നിര്മാണ ജോലികളുടെ ഭാഗമായി റോഡില് ഒഴിച്ചിരുന്ന ടാറില് കയറി തെന്നി നീങ്ങിയ ലോറി സമീപത്തെ വീട്ടുമുറ്റത്തേക്ക് പതിക്കുകയായിരുന്നു. ലോറിയില് നിന്നും ചാടിയതിനാല് ഡ്രൈവര് പരിക്കേല്ക്കാതെ രക്ഷപ്പെട്ടു.