ഇടുക്കി: ഇന്ധന വില വര്‍ധനവിലും മരംമുറി വിഷയത്തിലും പ്രതിഷേധിച്ച് വേറിട്ട സമരവുമായി ഇടുക്കിയിലെ കെ.എസ്.യു പ്രവര്‍ത്തകര്‍. ദേവികുളം നിയോജക മണ്ഡലം കമ്മറ്റിയുടെ നേതൃത്വത്തില്‍ നൂറ് കിലോമീറ്റര്‍ സൈക്കിള്‍ ചവിട്ടിയും, നൂറ് വൃക്ഷത്തൈകള്‍ നട്ടുമാണ് പ്രവർത്തകർ പ്രതിഷേധ സമരം നടത്തിയത്.
മരം മുറിവിഷയത്തിലും ഇന്ധനവില വര്‍ധനവിലും പ്രതിഷേധിച്ച് കെ.എസ്.യു നടത്തി വരുന്ന സമരങ്ങളുടെ തുടര്‍ച്ചയായിട്ടാണ് നൂറ് കിലോമീറ്റര്‍ സൈക്കിള്‍ ചവിട്ടി നൂറ് വൃക്ഷത്തൈകള്‍ നടുന്ന വേറിട്ട പ്രതിഷേധത്തിന് ദേവികുളം നിയോജക മണ്ഡലം കമ്മിറ്റി രൂപം നല്‍കിയത്. ഡി.സി.സി ജനറല്‍ സെക്രട്ടറി ടി സിദ്ദിഖ് അടിമാലിയില്‍ പ്രതിഷേധ സമരം ഫ്‌ളാഗ് ഓഫ് ചെയ്തു.
ഇന്ധന വില വര്‍ധന; സൈക്കിള്‍ സമരവുമായി കെ.എസ്.യു