ഇടുക്കി: ലോക് ഡൗൺ നിർദേശങ്ങൾ ലംഘിച്ച് ഇടുക്കിയിലെ അതിർത്തി മേഖല വഴി ആളുകൾ തമിഴ്‌നാട്ടിൽ നിന്നും കേരളത്തിലേക്കെത്തുന്നു. അതിർത്തി മേഖലയിലെ കാട്ടുപാതയിലൂടെ കാൽനടയായാണ് ഇവർ കേരളത്തിലേക്കെത്തുന്നത്. തമിഴ്‌നാട്ടിലെ ലോവർ ക്യാമ്പ്, ഗൂഡല്ലൂർ, കമ്പം തുടങ്ങിയ പ്രദേശങ്ങളിലൂടെയാണ് ഇവർ വനമേഖലയിലേക്ക് പ്രവേശിക്കുന്നത്. ഇതിലൂടെ ഏകദേശം അഞ്ച് കിലോമീറ്റർ കാൽനടയായി യാത്ര ചെയ്‌താൽ ഇടുക്കി അതിർത്തിയിലെത്താം. അതിർത്തി പങ്കിടുന്ന കുമളി മുതൽ പാണ്ടിക്കുഴി വരെയുള്ള മേഖലകൾ വഴിയാണ് കൂടുതലായും അനധികൃത പ്രവേശനം നടക്കുന്നത്.
വനമേഖലയിലൂടെ തമിഴ്‌നാട്ടില്‍ നിന്നും അനധികൃത പ്രവേശനം