ഇടുക്കി: ഇടുക്കിയില്‍ മീൻ പിടിക്കുന്നതിനിടെ കാണാതായ യുവാക്കളുടെ മൃതദേഹങ്ങൾ കയത്തില്‍ നിന്ന് കണ്ടെത്തി. മാട്ടുത്താവളത്ത് ഓട്ടോറിക്ഷ ഡ്രൈവർമാരായ ഇ.ആർ മനു, ജോയ്‌സ് എന്നിവരുടെ മൃതദേഹങ്ങളാണ് കണ്ടെത്തിയത്. ജനവാസ മേഖലയിൽ നിന്നും മൂന്ന് കിലോമീറ്ററോളം ദൂരെയാണ് മൃതദേഹങ്ങള്‍ കണ്ടെത്തിയത്.
ഇന്ന് പുലർച്ചെ വലകെട്ടാന്‍ എത്തിയവരാണ് സീതക്കയത്തിൽ കമിഴ്ന്ന് കിടക്കുന്ന നിലയിൽ മനുവിന്‍റെ മൃതദേഹം കണ്ടെത്തിയത്. രാവിലെ എട്ടരയോടെ ജോയ്‌സിന്‍റെ മൃതദേഹവും കണ്ടെത്തി. ചൊവ്വാഴ്‌ച വൈകിട്ട് 5.30 ഓടെയാണ് സുഹൃത്തുക്കളായ യുവാക്കൾ വെള്ളത്തിൽ ഒഴുക്കിൽപ്പെട്ടത്.