ഇടുക്കി: വിനോദ സഞ്ചാരത്തിനായി മൂന്നാറില്‍ എത്തിയ തമിഴ്നാട് രാമനാഥപുരം സ്വദേശി തമിന്നന്‍റെ ഭാര്യ സനോഫര്‍ വിഴുങ്ങിയ സൂചി വിജയകരമായി പുറത്തെടുത്തു. അടിമാലി മോണിംഗ് സ്റ്റാര്‍ ആശുപത്രിയില്‍ വച്ച് എന്‍ഡോസ്കോപ്പിയിലൂടെയാണ് സൂചി പുറത്തെടുത്തത്. ദമ്പതികളായ തമിന്നും സനോഫറും തിങ്കളാഴ്ച്ച വൈകിട്ടോടെയാണ് മൂന്നാര്‍ രാജമലയില്‍ എത്തിയത്. വിശ്രമ വേളയില്‍ സനോഫര്‍ തലയില്‍ ചുറ്റിയിരുന്ന തട്ടം അഴിക്കുകയും മൊട്ടുസൂചി ഊരി കടിച്ച് പിടിക്കുകയും ചെയ്തു. ഇതിനിടയിലാണ് സനോഫര്‍ മൊട്ടുസൂചി വിഴുങ്ങിയത്.
അറിയാതെ വിഴുങ്ങിയ മൊട്ട് സൂചി 24 കാരിയുടെ തൊണ്ടയില്‍ നിന്നും വിജയകരമായി പുറത്തെടുത്തു