ഇടുക്കി:തോരാതെ പെയ്‌ത മഴയെ തുടര്‍ന്ന് വട്ടവടയില്‍ വൻ കൃഷി നാശം. സ്ട്രോബറി, കാബേജ്, ക്യാരറ്റ് തുടങ്ങിയ വിളവെടുക്കാനിരുന്ന പച്ചക്കറികള്‍ അഴുകി നശിച്ചു. അമ്പത് ശതമാനത്തോളം കൃഷി നാശമുണ്ടായതായികര്‍ഷകര്‍ പറയുന്നു.
മഴയെ തുടര്‍ന്ന് വട്ടവടയില്‍ ഏക്കറ് കണക്കിന് കൃഷി നാശം.
സംസ്ഥാനത്തെ ഏറ്റവും വലിയ ശീതകാല പച്ചക്കറികളുടെ കേന്ദ്രമാണ് വട്ടവട. മഴ നില്‍ക്കാത്തതിനാല്‍ ഇത്തവണ കൃഷി ആരംഭിക്കാന്‍ കഴിയാത്ത സ്ഥിതിയാണുള്ളത്. പ്രദേശത്ത് 50 ശതമാനത്തോളം കൃഷി നശിച്ചു. ലോക്ക്‌ഡൗണ്‍ മുതല്‍ പ്രതിന്ധിയിലായിരുന്ന സ്ട്രോബറി കര്‍ഷകര്‍ക്കാണ് വലിയ തിരിച്ചടിയേറ്റത്.