ഇടുക്കി: മൺസൂൺ കനിയാത്തത് മൂന്നാറിന്‍റെ വിനോദ സഞ്ചാര മേഖലക്ക് വലിയ തിരിച്ചടിയാവുന്നു. അണക്കെട്ടുകളിലെ ബോട്ടിങ് നിര്‍ത്തി വച്ചത് ടൂറിസത്തെ പ്രതികൂലമായി ബാധിച്ചു. മണ്‍സൂണ്‍ ടൂറിസത്തിന്‍റെ ഭാഗമായി ജൂണ്‍-ജൂലൈ മാസങ്ങളില്‍ മെച്ചപ്പെട്ട വരുമാനം ലഭിക്കേണ്ടതായിരുന്നു. ചെങ്കുളം അണക്കെട്ടില്‍ മാത്രമാണ് നിലവില്‍ ബോട്ടിങ് ഉള്ളത്. മാട്ടുപ്പെട്ടി, കുണ്ടള, കല്ലാര്‍കുട്ടി, പൊന്മുടി തുടങ്ങിയ അണക്കെട്ടുകളില്‍ എല്ലാം ബോട്ടിങ് നിര്‍ത്തിവച്ചിരിക്കുകയാണ്. അണക്കെട്ടുകളിലെ ജലദൗര്‍ലഭ്യം വലിയ രീതിയില്‍ ഹൈഡല്‍ ടൂറിസത്തെ ബാധിച്ചിട്ടുണ്ടെന്ന് ഈ മേഖലയില്‍ പ്രവര്‍ത്തിക്കുന്നവര്‍ പറയുന്നു.
മൂന്നാറിൽ ഹൈഡൽ ടൂറിസം പദ്ധതികൾ പ്രതിസന്ധിയിൽ