ഇടുക്കി: രണ്ട് കിലോ കഞ്ചാവുമായി ഒരാള്‍ പിടിയില്‍. വീട്ടിനുള്ളില്‍ സൂക്ഷിച്ചിരുന്ന നിലയിലാണ് കഞ്ചാവ് കണ്ടെത്തിയത്. അടിമാലി പടികപ്പ് സ്വദേശി ജോര്‍ജ്ജ് മാത്യുവിനെയാണ് അടിമാലി നര്‍ക്കോട്ടിക് എന്‍ഫോഴ്‌സ്‌മെന്‍റ് സംഘം കസ്റ്റഡിയിലെടുത്തത്. അടുക്കളയിലായിരുന്നു പ്രതി കഞ്ചാവ് സൂക്ഷിച്ചിരുന്നത്. പൊതികളാക്കാന്‍ ഉപയോഗിച്ചിരുന്ന പാക്കിങ് കവറുകളും 2000 രൂപയും നര്‍ക്കോട്ടിക് സംഘം കണ്ടെടുത്തു. തമിഴ്‌നാട്ടില്‍ നിന്നും കിലോക്ക് 15,000 രൂപക്കാണ് കഞ്ചാവ് വാങ്ങുന്നത്. ഇത് അഞ്ച് ഗ്രാമിന്‍റെ ചെറു പൊതികളിലാക്കി 500 രൂപ നിരക്കിലായിരിരുന്നു പ്രതി വില്‍പ്പന നടത്തി വന്നിരുന്നത്.
കഞ്ചാവുമായി യുവാവ് പിടിയില്‍