കൊവിഡ് സഹായഹസ്തം; ഭക്ഷ്യധാന്യ കിറ്റുകള്‍ എത്തിച്ച് നല്‍കി ജനപ്രതിനിധി

രാജാക്കാട് ഗ്രാമപഞ്ചായത്തിലെ അറുപതോളം കുടുംബങ്ങള്‍ക്കാണ് ഭക്ഷ്യധാന്യ കിറ്റുകള്‍ വിതരണം ചെയ്തത്.

ഇടുക്കി: കൊവിഡ് മഹാമാരിയില്‍ ദുരിതമനുഭവിക്കുന്നവര്‍ക്ക് ഭക്ഷ്യധാന്യ കിറ്റുകള്‍ എത്തിച്ച് നല്‍കി ജനപ്രതിനിധി. രാജാക്കാട് ഗ്രാമപഞ്ചായത്തംഗം കെ.പി സുബീഷാണ് ഡിവൈഎഫ്ഐ പ്രവര്‍ത്തകരുടെ സഹായത്തോടെ നിര്‍ധനര്‍ക്ക് ഭക്ഷ്യക്കിറ്റുകള്‍ വീടുകളില്‍ എത്തിച്ച് നല്‍കിയത്.

രാജാക്കാട് ഗ്രാമപഞ്ചായത്തിലെ അറുപതോളം കുടുംബങ്ങള്‍ക്കാണ് അരിയും പച്ചക്കറിയും പലവ്യഞ്ജനങ്ങളും അടങ്ങിയ കിറ്റുകള്‍ വിതരണം ചെയ്തത്. കിറ്റുകളുടെ വിതരണ ഉദ്ഘാടനം നെടുങ്കണ്ടം ബ്ലോക്ക് പഞ്ചായത്ത് വൈസ് പ്രസിഡന്‍റ് ഉഷാകുമാരി മോഹന്‍കുമാര്‍ നിര്‍വഹിച്ചു.