ഇടുക്കി :കയ്യേറ്റവും കുടിയേറ്റവും ഒരുപോലെ കാണുകയെന്നത് സര്‍ക്കാര്‍ നയമല്ലെന്ന് റവന്യൂ മന്ത്രി കെ. രാജന്‍. ഇരട്ടയാര്‍ സ്‌മാര്‍ട്ട് വില്ലേജ് ഓഫിസിന്‍റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
കയ്യേറ്റങ്ങള്‍ക്കെതിരെ ശക്തമായ നിലപാട് സ്വീകരിച്ചുകൊണ്ട് ഭൂരഹിതരെ മണ്ണിന്‍റെ ഉടമകളാക്കുക എന്നതാണ് സര്‍ക്കാര്‍ ലക്ഷ്യം. ജില്ലയില്‍ സങ്കീര്‍ണമായ ഭൂമി പ്രശ്‌നങ്ങളുണ്ട്.
സര്‍ക്കാരിന്‍റെ ഭാഗത്തുനിന്ന് പരിഹരിക്കാന്‍ സാധിക്കുന്ന എല്ലാ കാര്യങ്ങള്‍ക്കും തീര്‍പ്പുണ്ടാക്കും. ഭൂമി സംബന്ധമായ ചട്ടങ്ങളിലും നിയമങ്ങളിലും ഭേദഗതി വരുത്തേണ്ടതുണ്ടെങ്കില്‍ നേതൃത്വപരമായ പങ്കുവഹിക്കും.
ഭൂരഹിതരെ മണ്ണിന്‍റെ ഉടമകളാക്കുകയെന്നത് സര്‍ക്കാർ ലക്ഷ്യം : മന്ത്രി കെ. രാജന്‍