ഇടുക്കി:രണ്ട് പരീക്ഷകളെ നേരിടാനുള്ള ഒരുക്കത്തിലാണ് ഉടുമ്പന്‍ചോല പാറത്തോട് സ്വദേശിനിയായ ആതിര രഘുനാഥ്. ഒന്ന് തെരഞ്ഞെടുപ്പ് പരീക്ഷയും മറ്റൊന്ന് സിഎ പരീക്ഷയും. ഉടുമ്പന്‍ചോല പഞ്ചായത്തിലെ 12-ാം വാര്‍ഡില്‍ നിന്നാണ് ആതിര യുഡിഎഫ് സ്ഥാനാര്‍ഥിയായി മത്സരിക്കുന്നത്. ചുവപ്പ് കോട്ടയില്‍ ഇത്തവണ വലതുപക്ഷം വെന്നികൊടി പാറിക്കുമെന്ന ആത്മ വിശ്വാസത്തിലാണ് വിളയില്‍ വീട്ടില്‍ ആതിരാ രഘുനാഥ്. ജനുവരിയില്‍ നടക്കുന്ന സിഎ പരീക്ഷക്ക് മുന്‍പ് തെരഞ്ഞെടുപ്പ് ഗോദയിലെ പോരാട്ടത്തിലാണ് 22 കാരി. ചെന്നൈ കോടമ്പാക്കത്തെ കെ.എസ് അക്കാദമിയില്‍ ചാര്‍ട്ടേട് അക്കൗണ്ടന്‍റ് വിദ്യാര്‍ഥിനിയാണ് ആതിര.
തെരഞ്ഞെടുപ്പിനൊപ്പം സിഎ പരീക്ഷയും; ഇരട്ട ജയം പ്രതീക്ഷിച്ച് ആതിര