ഇടുക്കിയിൽ കൊടുംക്രൂരതക്ക് ഇരയായ പശുക്കിടാവിന് ദാരുണാന്ത്യം

ഞായറാഴ്‌ച വൈകിട്ടോടെയാണ് ക്ഷീരകർഷകനായ സണ്ണിയുടെ എട്ടുമാസം പ്രായമുള്ള പശുക്കിടാവിനെ അയൽവാസി ക്രൂരമായി മർദിച്ചത്.

ഇടുക്കി: അയൽവാസിയുടെ ക്രൂര മർദനത്തിന് ഇരയായ പശുക്കിടാവ് ചത്തു. ക്ഷീരകർഷകനായ സണ്ണിയുടെ എട്ടുമാസം പ്രായമുള്ള പശുക്കിടാവിനാണ് ദാരുണാന്ത്യം. പശുക്കിടാവിന്‍റെ നട്ടെല്ല് തല്ലിത്തകർത്തെന്ന് ഉടമ നൽകിയ പരാതിയിൽ പൊലീസ് കേസെടുത്തു. ബുധനാഴ്‌ച വൈകിട്ടാണ് പശുക്കിടാവ് ചത്തത്.

ഈ മാസം 28ന് വൈകിട്ടോടെയാണ് സംഭവമുണ്ടായത്. തന്‍റെ പറമ്പിൽ കെട്ടിയ പശു കെട്ടഴിഞ്ഞ് സതീശന്‍റെ പറമ്പിൽ കയറുകയായിരുന്നു. ഇത് മാത്രമാണ് ക്രൂര കൃത്യത്തിന് പിന്നിലെന്നും സണ്ണി ആരോപിച്ചു. അതേസമയം ആരോപണം നിഷേധിച്ചിച്ച് സതീശൻ രംഗത്തെത്തി.