ഇടുക്കി: സംസ്ഥാനത്ത് പ്രളയം നേരിടാനുള്ള മുന്നൊരുക്കങ്ങളില്‍ സര്‍ക്കാരിന് ഗുരുതര വീഴ്‌ച പറ്റിയെന്ന് സിഎജി റിപ്പോര്‍ട്ടിനെതിരെ മുൻ വൈദ്യുതി മന്ത്രിയും നിലവിൽ എംഎൽഎയുമായ എം എം മണി. അപ്രതീക്ഷിതമായി പെയ്‌ത മഴ കണക്കിലെടുക്കാതെ സിഎജി നല്‍കിയ റിപ്പോര്‍ട്ട് വികലമാണെന്നും ചില രാഷ്ട്രീയ ഇടപെടലുകള്‍ ഉണ്ടായതായി സംശയിക്കേണ്ടിയിരിക്കുന്നുവെന്നും എംഎൽഎ വ്യക്തമാക്കി.
അതി തീവ്രമഴ മൂലമാണ് ഡാമുകള്‍ തുറക്കേണ്ടി വന്നതെന്നും 2019ലും 2021ലും സമാന സാഹചര്യം പല മേഖലകളിലും ഉണ്ടായെന്നും എംഎം മണി പറയുന്നു. 2018ല്‍ ഡാമുകള്‍ തുറന്ന് വിട്ടില്ലായിരുന്നെങ്കില്‍ ഡാമുകള്‍ക്ക് എന്ത് സംഭവിയ്ക്കുമെന്ന് പോലും വിവരിയ്ക്കുവാനാവുമായിരുന്നില്ലെന്നും എംഎം മണി കൂട്ടിച്ചേർത്തു.
2018ലെ പ്രളയം; സിഎജി റിപ്പോര്‍ട്ടിനെതിരെ മുന്‍ മന്ത്രി എംഎം മണി