ഇടുക്കി : നെടുങ്കണ്ടം തൂക്കുപാലത്ത് വയോധികയെ പെട്രോള്‍ ഒഴിച്ച് കൊല്ലാന്‍ ശ്രമം. തൂക്കുപാലം പ്രകാശ്‌ഗ്രാം മിനു നിവാസ്‌ ശശിധരന്‍ പിള്ളയുടെ ഭാര്യ തങ്കമണിക്ക് നേരെയാണ് ആക്രമണമുണ്ടായത്. സംഭവത്തില്‍ രണ്ട് പേരെ പൊലീസ് കസ്റ്റഡിയിലെടുത്തു.
രാവിലെ 7.20ന് സിപിഐ നേതാവും നെടുങ്കണ്ടം ഗ്രാമ പഞ്ചായത്ത് അംഗവുമായ അജീഷ് മുത്തുകുന്നേലിന്‍റെയും ശൂലപാറ സ്വദേശി ബിജുവിന്‍റെയും നേതൃത്വത്തില്‍ ഒരു സംഘം ശശിധരന്‍പിള്ളയുടെ കടയിലേക്ക് അതിക്രമിച്ചു കയറി തങ്കമണിയെ മര്‍ദിക്കുകയായിരുന്നു.
തുടര്‍ന്ന് പെട്രോള്‍ ഒഴിച്ച് തീ കൊളുത്താന്‍ ശ്രമിച്ചപ്പോള്‍ ഓടി രക്ഷപ്പെടുകയായിരുന്നുവെന്നും തങ്കമണി പറഞ്ഞു.
ഇടുക്കിയില്‍ വയോധികയെ പെട്രോള്‍ ഒഴിച്ച് കൊല്ലാന്‍ ശ്രമം ; രണ്ട് പേര്‍ അറസ്റ്റില്‍