ഇടുക്കി:കനത്ത മഴയെ തുടർന്ന് ജില്ലയിലെ ഒട്ടുമിക്ക അണക്കെട്ടുകളും നിറയുകയും തുറക്കുകയൂം ചെയ്തെങ്കിലും മണ്ണും കല്ലും ഉപയോഗിച്ച് നിര്മിച്ച ആനയിറങ്കൽ അണക്കെട്ടിന് ഒരു കുലുക്കവുമില്ല. കാലവർഷത്തിൽ മഴ കനത്ത് പെയ്യുമ്പോഴും പന്നിയാർ പുഴയുടെ തീരങ്ങളിൽ താമസിക്കുന്നവർക്ക് ആശങ്കയില്ലാതെ കോട്ടപോലെ സംരക്ഷണം ഒരുക്കുന്ന അണക്കെട്ടാണ് ആനയിറങ്കൽ.
1965ലാണ് അണക്കെട്ട് നിര്മിച്ചത്. കെ.എസ്.ഇ.ബിയുടെ ഉടമസ്ഥതയിലാണ് അണക്കെട്ട് പ്രവര്ത്തിക്കുന്നത്. 1207.40 മീറ്ററാണ് പരമാവധി സംഭരണശേഷി 1204.88 ആണ് നിലവിലെ ജലനിരപ്പ്. രണ്ട് ഷട്ടറുകൾ ഉണ്ടെങ്കിലും പരമാവധി സംഭരണ ശേഷി പിന്നിട്ടാൽ മൂന്ന് സ്പിൽവേകളിലൂടെ ജലം പന്നിയാർ പുഴയിലേക്ക് ഒഴുകിത്തുടങ്ങും.