മൂലൂർ അവാർഡ് സമ്മാനിച്ചു

മൂലൂരിനെപ്പോലെ സത്യം വിളിച്ചു പറയാനും നീതിക്കൊപ്പം അചഞ്ചലമായി നിലകൊള്ളുവാനും ഉളള മനസ്സാന്നിധ്യവും ധൈര്യവും നമുക്ക് ഉണ്ടാകണമെന്ന് വീണാ ജോർജ് എംഎൽഎ. സരസകവി മൂലൂർ പത്മനാഭപ്പണിക്കരുടെ സ്മരണക്കായി ഇലവുംതിട്ട മൂലൂർ സ്മാരക സമിതി നൽകുന്ന മൂലൂർ അവാർഡ് സമ്മാനിച്ചു സംസാരിക്കുകയായിരുന്നു എംഎൽഎ.

ഏറ്റവും മികച്ച മലയാളം കവിതാസമാഹാരത്തിന് നൽകുന്ന മൂലൂർ അവാർഡ് ദിവാകരൻ വിഷ്ണുമംഗലവും നവാഗത കവിതാ പുരസ്കാരം വള്ളിക്കോട് രമേശും ഏറ്റുവാങ്ങി.
ഫെബ്രുവരി 27 മുതൽ നടന്നുവരുന്ന ഇലവുംതിട്ട സരസകവി മൂലൂർ സ്മാരകത്തിന്‍റെ മുപ്പതാമത് വാർഷികം, 150-ാമത് മൂലൂർ ജയന്തി ആഘോഷങ്ങൾ എന്നിവയ്ക്ക് സമാപനം കുറിച്ചാണ് മൂലൂർ അവാർഡ സമർപ്പണ സമ്മേളനം നടന്നത്.