കാട്ടാനശല്യം രൂക്ഷം; പ്രദേശവാസികള്‍ ഭീതിയില്‍

വടക്കുംഭാഗം, വാവേലി മേഖലകളിൽ കാട്ടാന ശല്യം രൂക്ഷമാകുകയാണ്.

കോതമംഗലം: കോട്ടപ്പടി വനത്തിനോട് ചേർന്നുള്ള കൃഷിയിടത്തിൽ പോത്തിനെ കാട്ടാന ആക്രമിച്ചു കൊന്നു. ഇന്നലെ രാത്രി കുളങ്ങാട്ടുകുഴിയിൽ ചുള്ളിക്കൽ ജോളിയുടെ പറമ്പിൽ കെട്ടിയിട്ടിരുന്ന പോത്തിനെയാണ് ആന ആക്രമിച്ചു കൊന്നത്. വടക്കുംഭാഗം, വാവേലി മേഖലകളിൽ കാട്ടാന ശല്യം രൂക്ഷമാകുകയാണ്. കൃഷി നശിപ്പിക്കുന്നതിന് പുറമേ വളർത്തുമൃഗങ്ങളെക്കൂടി ആന ആക്രമിക്കുന്നതില്‍ നാട്ടുകാര്‍ പരിഭ്രാന്തരായിരിക്കുകയാണ്.