എറണാകുളം: കോതമംഗലം വൈസ് മെൻസ് ഇന്‍റര്‍നാഷണൽ മിഡ് വെസ്റ്റ് ഇന്ത്യ റീജിയണിന്‍റെ നേതൃത്വത്തില്‍ കുട്ടികള്‍ക്കായി ചെസ് ടൂര്‍ണമെന്‍റ് സംഘടിപ്പിച്ചു. കുട്ടികളിലെ മാനസിക ഉല്ലാസം വര്‍ധിപ്പിക്കുകയെന്ന ലക്ഷ്യത്തോടെയാണ് തുടര്‍ച്ചയായ ആറാം വര്‍ഷവും ചെസ് ടൂര്‍ണമെന്‍റ് സംഘടിപ്പിച്ചത്.
മാമാങ്കം 2020 എന്ന് പേരിട്ട ചെസ് മത്സരം കോതമംഗലം കറുകടം മൗണ്ട് കാർമ്മൽ കോളജ് ഓഡിറ്റോറിയത്തിൽ റീജയണൽ ഡയറക്‌ടർ ഇലക്റ്റ് മാത്യൂസ് എബ്രാഹാം ഉദ്ഘാടനം ചെയ്‌തു. വിവിധ കാറ്റഗറികളിലായി സ്ത്രീകള്‍ക്കും പുരുഷന്മാര്‍ക്കും കുട്ടികള്‍ക്കും മത്സരങ്ങള്‍ ഉണ്ടായിരുന്നു. എറണാകുളം, ഇടുക്കി, ആലപ്പുഴ ജില്ലകളിലെ 230 ക്ലബ്ബുകളിൽ നിന്നായി 180 മത്സരാര്‍ഥികളാണ് ഉണ്ടായിരുന്നത്.
അടുത്ത വർഷം മുതൽ പൊതുജനങ്ങൾക്ക് കൂടി പങ്കെടുക്കാൻ അവസരം ഉണ്ടാകുമെന്ന് സംഘാടകർ പറഞ്ഞു. എൽദോസ് ഐസക്ക്, സോണി, അഡ്വ.രാജേഷ് രാജൻ തുടങ്ങിയവര്‍ ചടങ്ങില്‍ പങ്കെടുത്തു.