എറണാകുളം:മൂവാറ്റുപുഴയിലെ താരമിപ്പോള്‍ വലിയൊരു നക്ഷത്രമാണ്. തൃക്കളത്തൂർ സെന്റ് ജോര്‍ജ്‌ യാക്കോബായ പള്ളിയിൽ ക്രിസ്മസിനെ വരവേൽക്കാൻ സ്ഥാപിച്ച ഭീമൻ നക്ഷത്രമാണ് വിസ്മയമാകുന്നത്.
'നക്ഷത്രം വലിയ താരമാകുന്നു'; ക്രിസ്മസിന്റെ വരവറിയിച്ച് തൃക്കളത്തൂർ സെന്റ് ജോര്‍ജ്‌ പള്ളി
60 അടി ഉയരം. വീതി 40 അടി. ഉള്ളില്‍ കണ്ണഞ്ചിപ്പിക്കുന്ന പ്രകാശ സംവിധാനങ്ങളുടെ ഭാഗമായി അന്‍പതോളം എല്‍.ഇ.ഡി ലൈറ്റുകള്‍.
ക്രിസ്മസിന്റെ വരവറിയിച്ച് എല്ലാ വർഷവും സെന്റ് ജോര്‍ജ്‌ യാക്കോബായ പള്ളിയില്‍ കൂറ്റന്‍ നക്ഷത്രങ്ങള്‍ ഒരുക്കാറുണ്ട്‌. കഴിഞ്ഞ വര്‍ഷം 42 അടിയായിരുന്നു നക്ഷത്രത്തിന്റെ ഉയരം. എന്നാല്‍ ഇക്കൊല്ലം അത്‌ 60 അടിയായി ഉയര്‍ത്തുകയായിരുന്നു. പള്ളിയിലെ യൂത്ത്‌ അസോസിയേഷന്‍റെ നേതൃത്വത്തിലാണ്‌ നക്ഷത്രം ഒരുക്കിയത്‌.