എറണാകുളം: സ്വർണക്കടത്ത് കേസില്‍ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെ എൻഐഎ വീണ്ടും ചോദ്യം ചെയ്യുന്നു. ഇത് മൂന്നാം തവണയാണ് സ്വർണക്കടത്ത് കേസിൽ എൻഐഎ ശിവശങ്കറിന്‍റെ മൊഴി രേഖപ്പെടുത്തുന്നത്. ഇന്ന് രാവിലെ പതിനൊന്ന് മണിയോടെയാണ് അദ്ദേഹം കൊച്ചിയിലെ എൻഐഎ ഓഫീസിലെത്തിയത്. നയതന്ത്ര ചാനൽ വഴി സ്വർണക്കടത്ത് നടത്തിയ കേസിലെ രണ്ടാം പ്രതി സ്വപ്ന സുരേഷിന്‍റെ ഫോൺ ചാറ്റുകൾ ഉൾപ്പടെയുള്ള ഡിജിറ്റൽ തെളിവുകൾ വീണ്ടെടുത്തിരുന്നു. ഇതിന്‍റെ തുടർച്ചയായാണ് എൻഐഎയുടെ പുതിയ നീക്കം. നിലവിൽ സ്വപ്ന സുരേഷ് എൻഐഎയുടെ കസ്റ്റഡിയിലാണുള്ളത്. ഇരുവരെയും ഒരുമിച്ചിരുത്തി ചോദ്യം ചെയ്യുന്നത് ഉൾപ്പടെയുള്ള നടപടികളിലേക്ക് കടക്കാനുള്ള സാധ്യതയുമുണ്ട്.
സ്വർണക്കടത്ത് കേസിൽ എം. ശിവശങ്കറിനെ എൻഐഎ വീണ്ടും ചോദ്യം ചെയ്യുന്നു