എറണാകുളം:സെക്രട്ടേറിയറ്റിലെ തീപിടിത്തം സംബന്ധിച്ച ആരോപണത്തിൽ ഉറച്ച് പ്രതിപക്ഷ നേതാവ് രമേശ് ചെന്നിത്തല. തീപിടിത്തം അട്ടിമറിയാണെന്ന കാര്യം നൂറ് ശതമാനം ഉറപ്പാണെന്ന് ചെന്നിത്തല പറഞ്ഞു. സ്വർണക്കടത്തുമായി ബന്ധപ്പെട്ട ഫയലുകൾ നശിപ്പിക്കാനുള്ള പ്രവർത്തനമാണ് നടന്നതെന്ന് ചെന്നിത്തല ആരോപിച്ചു.
കോൺസുലേറ്റും രാജ്ഭവനുമായും ബന്ധപ്പെട്ട ഫയലുകൾ, ഗസ്റ്റ്ഹൗസിൽ മുറി ബുക്ക് ചെയ്ത ഫയലുകൾ, പ്രോട്ടോക്കോളുമായി ബന്ധപ്പെട്ട ഫയലുകൾ തുടങ്ങിയവ പേപ്പർ ഫയലുകളാണെന്നും ഇതിന്‍റെ ബാക്ക്അപ്പ് ഫയലുകൾ ഇല്ലെന്നാണ് ഹോം സെക്രട്ടറിയും റവന്യൂ സെക്രട്ടറിയും തങ്ങളോട് പറഞ്ഞതെന്നും ചില ഫയലുകൾ അവിടെ നിന്നും എടുത്തു കൊണ്ടുപോയതായി പറയുന്നുണ്ടെന്നും ചെന്നിത്തല പറഞ്ഞു.
തീപിടിത്തം അട്ടിമറിയാണെന്ന് ആവര്‍ത്തിച്ച് പ്രതിപക്ഷം