പോസ്റ്റൽ വോട്ട് തിരിമറി; ഹൈക്കോടതി വിശദീകരണം തേടി

സ്വതന്ത്ര അന്വേഷണമാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തലയാണ് ഹൈക്കോടതിയിൽ ഹർജി സമർപ്പിച്ചത്

കൊച്ചി:പൊലിസ് സേനയിലെ പോസ്റ്റൽ വോട്ട് തിരിമറിയിൽ ഹൈക്കോടതി സംസ്ഥാന സർക്കാറിനോടും തെരഞ്ഞെടുപ്പ് കമ്മീഷനോടും വിശദീകരണം തേടി. സ്വതന്ത്ര അന്വേഷണമാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തലയാണ് ഹൈക്കോടതിയിൽ ഹർജി സമർപ്പിച്ചത്.

ഈ മാസം പതിനേഴാം തിയതിക്കകം വിശദീകരണം നൽകണമെന്ന് കോടതി ആവശ്യപ്പെട്ടു. കേസ് ഈ 20ന് വീണ്ടും പരിഗണിക്കും. അതേ സമയം പോസ്റ്റൽ വോട്ടുകൾ ശേഖരിക്കുന്നതിന് നോഡൽ ഓഫീസറെ നിയമിച്ചത് നിയമ പ്രകാരമാണെന്നും ഇതിൽ വീഴ്ച സംഭവിച്ചിട്ടില്ലന്നും കമ്മീഷൻ കോടതിയെ അറിയിച്ചു.