കൊച്ചി : നെടുമ്പാശ്ശേരി വിമാനത്താവളത്തിൽ സ്ഥിതി സങ്കീർണം. കനത്ത മഴയെത്തുടർന്ന് നെടുമ്പാശ്ശേരി വിമാനത്താവളം മറ്റന്നാള്‍ വരെ അടച്ചിടുമെന്ന് വിമാനത്താവള അതോറിറ്റി. ഇന്ന് രാവിലെ ഒമ്പത് മണി വരെ വിമാനത്താവളം അടച്ചിടുമെന്ന് നേരത്തേ മുന്നറിയിപ്പ് നൽകിയിരുന്നു. എന്നാല്‍, മഴ കുറയാത്ത സാഹചര്യത്തിൽ റണ്‍വേ അടക്കം റൺവേ വെള്ളത്തിൽ മുങ്ങി. നിലവിൽ മോട്ടോർ പമ്പ് ഉപയോഗിച്ച് വെള്ളം പുറത്തേക്ക് ഒഴുക്കുകയാണ്. മഴ കുറയുകയാണെങ്കിൽ ഞായറാഴ്‌ച വൈകിട്ട് മൂന്നിന് തുറക്കുമെന്ന് സിയാൽ അറിയിച്ചു. നെടുമ്പാശ്ശേരി വിമാനത്താവളം തുറക്കുന്നത് വരെ കൊച്ചിയിലേക്ക് വരുന്ന വിമാനങ്ങള്‍ വഴിതിരിച്ച് വിടാനാണ് തീരുമാനം.
നെടുമ്പാശ്ശേരി വിമാനത്താവളം മറ്റന്നാള്‍ വരെ അടച്ചിടും