എറണാകുളം: മൂന്ന് കിലോ കഞ്ചാവുമായി മലപ്പുറം സ്വദേശികളായ യുവാക്കളെ എക്സൈസ് സംഘം പിടികൂടി. പെരുമ്പാവൂര്‍ കേന്ദ്രീകരിച്ച് നടത്തിയ പരിശോധനയിലാണ് ഫാസില്‍ ബാബു, റാസിഖ് എന്നിവര്‍ പിടിയിലായത്. പെരുമ്പാവൂർ ഭാഗത്ത് കഞ്ചാവ് വിതരണം ചെയ്യുന്ന പ്രതികള്‍ മയക്കുമരുന്ന് സംഘത്തില്‍പ്പെട്ടവരാണെന്ന് എക്സൈസ് സർക്കിൾ ഇൻസ്പെക്ടർ സി കെ സജികുമാർ അറിയിച്ചു. രണ്ടാഴ്ചയോളം തുടര്‍ച്ചയായി നിരീക്ഷിച്ചതിന് ശേഷമാണ് ഇവരെ പിടികൂടിയത്.
മൂന്ന് കിലോ കഞ്ചാവുമായി മലപ്പുറം സ്വദേശികൾ പിടിയിൽ
പ്രതികൾ മയക്കുമരുന്ന് മാഫിയ സംഘത്തില്‍പ്പെട്ടവരാണെന്ന് പൊലീസ്.
കഞ്ചാവുമായി രണ്ട് മലപ്പുറം സ്വദേശികൾ പിടിയിൽ
ഇവരില്‍ നിന്ന് വാങ്ങുന്ന കഞ്ചാവ് പെരുമ്പാവൂരിലെ ചില്ലറ വിൽപ്പനക്കാർ സ്കൂൾ-കോളജ് വിദ്യാര്‍ഥികള്‍ക്കും അന്യസംസ്ഥാന തൊഴിലാളികൾക്കുമാണ് വിൽക്കുന്നത്. കിലോഗ്രാമിന് 20,000 രൂപയ്ക്ക് വാങ്ങുന്ന കഞ്ചാവ് പ്രതികൾ 25,000 രൂപക്കാണ് പെരുമ്പാവൂരില്‍ വിൽപന നടത്തുന്നതെന്നും ഉദ്യോഗസ്ഥർ വ്യക്തമാക്കി.